Ofte finn ein nokre svært store og flotte brudesporar i låglandet sørpå, i Trøndelag og langsmed Nordlandskysten. Dette er praktbrudespore som inntil heilt nyleg har vore underkjent i Noreg. Vi trudde, inntil for nokre få år sidan, at det berre var eit par dokumenterte funn av arten (då som underart) frå Noreg. Då Bjerke og Strann (2009) publiserte ein artikkel om praktbrudespore (som dei kalla tettbrudespore) i Nord-Noreg, trudde fleire av oss ikkje heilt på dei. Vi som ikkje trudde, må no gå i oss sjølve og vedgå at desse forfattarane hadde rett. Det er nokså mykje praktbrudespore i Noreg, og ikkje minst i nord.
|
Reidar Elven
|
Naturhistorisk museum, Universitetet i Oslo
